Moon 14
الإدارة
عدد المساهمات : 299
نقاط : 5464
تاريخ التسجيل : 13/09/2011
 |  موضوع: كلماتاستعراض اللى يقدر على قلبى >>> ليلى مراد  الجمعة مارس 09, 2012 8:04 pm | |
|
استعراض اللى يقدر على قلبى
ليلى مراد مع وإسماعيل يس وشكوكو وعزيزعثمان و الياس مؤدب و أنور وجدى
من فيلم عنبر 1948
الكلمات حسين السيد
الحان محمد عبد الوهاب
ليلى مراد
اللى يقدر على قلبى يخطفه وأنا أجرى وراه
واللى يقدر على حبى يخطبه وأنا أعيبش وياه
وساعة إيدى ما تيجى فى إيديه أحس بقلبه وأشوف بعنيه أنا أشوف بعنيه
إسماعيل يس
أهو أنا .. أهو أنا .. ولا حد ينفع إلا أنا
شكلى صحيح مالوش دوا لكن اختصاصى فى الهوا
ماما فاتتلى فى البلد .. أطيان كتير مالهاش عدد
كان عندها اتناشر ولد مفضلش منهم إلا أنا
والعزبة دى فى شبرا اليمن وحبيعها بكرة مقدماً
وحشترى بيها موقتاً دبلة خطوبة حبنا
بس ارحمى .. بس اقبلى .. متضيعيش مستقبلى .
ترد ليلى مراد : كلام جميل .. وكلام معقول .. مقدرش أقول حاجة عنه
لكن خيال حبيبى المجهول مش لاقيه فيك حاجه منه
شكوكو
من ناحية قلبى ونار واتحبب موت
وحبيبى لو غاب يوم عنى أرقع ميت صوت
بلدى ومدردح وإذنجى واكسب جنيهات وبنيت م الفول والطعمية أربع عمارات
ندرٍ عليا لو قلتى أيوة لأخلّى روحى فى إيديكى شمعة
وافرش عنيا فى كل خطوة تمشى عليهم والشمعة والعة
ترد ليلى مراد : كلام جميل .. وكلام معقول .. مقدرش أقول حاجة عنه
لكن خيال حبيبى المجهول مش لاقيه فيك حاجه منه
عزيز عثمان
سيبك منهم ده مفيش غيرى
قيمة ومركز ووظيفة ميرى
مربوط ع الدرجة التامنة والناس درجات
ومرشح آخد التاسعة غير العلاوات
معرفش لا كده ولا كده م الباب للباب
لا لى دعوة لا بده ولا بده ولا ليا أصحاب
يعنى المهية من الصرّاف مع العلاوة على الانصاف حيكونوا ملك إيديكى نضاف
وإنشالله آكل أنا عيش حاف حاااااااااااف
ترد ليلى مراد : كلام جميل .. وكلام معقول .. مقدرش أقول حاجة عنه
لكن خيال حبيبى المجهول مش لاقيه فيك حاجه منه .
الياس مؤدب
جيتك من آخر لبنان .. مسلوب الفكر وطمعان
احظى بعيون الغزلان واشرب من نهر الخلان
بحياة ها الورد المبذور فى خدود تحاكى البنور
بحياة من صوّر ها النور ما تخلينى أرجع عطشان .
نظرة واحدة تشبك قلبى بها العنتين
كلمة واحدة تصير معاهدة بين قلبين
نكتبها بغزل وجنون .. نبصمها بحبات عيون
وتصيرى ليلى وأنا المجنون وأنا المجنون
ترد ليلى مراد : كلام جميل .. وكلام معقول .. مقدرش أقول حاجة عنه
لكن خيال حبيبى المجهول مش لاقيه فيك حاجه منه .
يظهر " أنور وجدى " .. فتقول ليلى مراد :
حبيبى ...
عمالة أدور عليك وأتاريك هنا جنبى مفضلش غير نظرة واحدة
أفتح لها قلبى ...
كلمينى .. يا شاغلنى
طمنى يا شاغلنى
| |
|
